التحفجية (الحشاشين) لسيد درويش
كلمات: بديع خيري
ألحان: سيد درويش
غناء: إيمان البحر درويش
يا ما شاء الله ع التحفجية .. أهل اللطافة و المفهومية
إجعلها ليلة مملكة يا كريم
ده الكيف مزاجه إذا تسلطن .. أخوك ساعتها يحن شوقا
إلى حشيشي ميتى ميشي
إسأل مجرب زى حالاتي .. حشاش قِراري يسفخ يوماتي
خمسين جرّاية .. ستين .. سبعين
ها .. يا مرحب
صدّق و آمن بالذي خلقها .. و قال كوني جوزة لكل من يدوقها
ما يسلى أنفاسها بملايين
بس الأكادة حبس و ظلومة .. يكفينا شرّك يا دي الحكومة
أول ما نسمع زنة ناموسة .. تبص تلقى كل الشخوصة
إكسبريسات راحم طايرين
ها ها هأ .. يا مرحب
هو إحنا يعني علشان غلابة .. لا بتوع قراية و لا كتابة
تهينونا؟ فلتحيا التفانين
كان يبقى شنبي من غير مؤاخذة .. على كلب رومي ولا على معزة
أول ما تنده و تقول يا قُرقُر .. آجي مشمّر من غير تقُرقُر
هو ابن مصر حيخاف من مين؟
ها .. يا مرحب
ورينا أجدع بيه ولا باشا .. يقدر يعايب ع الحشاشة
فشر يا دقدق .. صلاة ع الزين
و أقولك الحق يوم ما نلقى .. بلادنا طبّت في أي زنقة
يحرم علينا شربك يا جوزة .. روحي و انت طالقة مالكيشي عوزة
دي مصر عايزة جماعة فايقين .. يا مرحب

7 Comments:
minesweeper76 said...
يبدو أننا فقدنا القدرة على الشعور "بالزنقات"، فما زلنا نرتع في ما لذ و طاب من مخدرات.. بداية بالمكيفات الممنوعة و وصولا إلى أفلام الهلس و أغنيات هز الوسطها ها هأ.. يا مرحب
12:10 م
غير معرف said...
أنا معجبة جداً بالبلوج دة و بالأغاني اللي بتسمعهالنا و ألف شكر على أغاني أبو العلا البشري و الشهد و الدموع و الأراجوز أنا كنت دايخة عليهم و أنا نفسي في أغنيتين مش لاقياهم خالص تعبت من البحث عنهم الأغنية الأولى في قلبي غرام لمحمد عبدالمطلب و الأغنية الأخرى لفرقةالأصدقاء (عمار الشريعي , منى عبد الغني , علاء عبد الخالق , حنان) و إسمها الحدود يارب تلاقيهم ربنا يكرمك
4:03 ص
غير معرف said...
أنا دايخ على أبو العلا البشري والشهد والدموع زأنا وانت وبابا في المشمش واغاني الاطفال القديمة ومش لاقي اي حتة اجيبهم منها
8:34 ص
غير معرف said...
انتوا فعلا تجننوا بس انا عايزه من فضلكم اغيه الحدود للاصدقاء واغنيه حبيبتى لعمار الشريعى كانت نهايه فيلم كتبه الاعدام ولكم جزيل الشكر
10:28 م
غير معرف said...
مجلة شتاء وصيف أول مجلة مغربية عربية وعالمية متخصصة في الموسيقى و الغناء الرجاء زيارة مدونتنا على العنوان التاليwww.maktoobblog.com/djodabaشكرا لكل مدون مجتهد
8:01 م
غير معرف said...
انت رااااااااااااااااااااااااااااااااااائع جدا
11:53 ص
مواطن مصرى اصيل_مواليد برج النيل said...
تحفة التحفجية والحشاشين الف و ميه والولعه والعه بفحمه متنقيه والجوزه مليانه ميه وبتكركر ميه وميه مساه والمساه ميه على أبو حجر صاحب احلى عشرة الا قول لى هو ده دهب ولا ده قشره مع خالص تحيات وصادق مشاعرى شاعر العاميه المنسى -نصر عبد الحميد http://nasrhamid.maktoobblog.com
6:58 م
إرسال تعليق